捐利市錢 讓敘利亞溫暖

【明報專訊】農曆新年剛過，唔少人完利市，荷包大豐收，有無諗過將利市錢用得有意義一啲？香港世界宣明會喺今個農曆新年發起「利市送暖」行動，呼籲捐出部分利市錢，為敘利亞孩子提供暖爐、毛氈、糧食等，喺寒冬中為佢哋送上溫暖。
宣明會話，敘利亞衝突發生至今接近6年，超過480萬因內戰逃亡國外嘅難民，以及至少600萬境內流徙嘅敘利亞人，家仲要面對漫長嚴寒天氣同風雪，佢哋嘅「家」，大多數係無禦寒設備嘅帳篷或舊屋，部分婦孺只能燒垃圾同塑膠取暖，影響孩子健康。
「利市送暖」行動捐款分幾級，每捐2000元利市，就可以為一名敘利亞難民提供9個月糧食同日用品；每捐1500元可為兩個家庭提供暖爐同兩個月燃料，用來煮食同取暖；捐600元，亦可以為4個家庭提供牀墊同毛氈，喺寒冬中送暖。