新聞類別
副刊
詳情#
【明報專訊】特首參選人林鄭月娥噚日終於加入社交網絡戰，正式以「林鄭辦公室」名義開設facebook專頁，並上載影片，只見辦公室內，有一班年輕人教林太fb嘅簡單操作，例如點樣上載相片等，林太學識基本技巧後就話「原來唔係好難啫」。林太踏出用fb呢一步，網民反應熱烈，呢個帖文刊出約5個小時，就有2.2萬個「嬲」、逾1700個「like」、逾300個「哈哈笑」符號。
林太話，「希望與網友和廣大市民CONNECT，高清直接聆聽大家意見，讓我們與香港一起同行」，佢又話「同行WE CONNECT」嘅另一重意義，就係希望與大家加強聯繫，讓市民對佢多一啲了解，多一啲信任。
曾俊華：做財金要跟北京商討
至於另一邊廂嘅曾俊華，噚日下午fb live記者會，就有7000多個「like」、1400多個「心」、逾百「哈哈笑」符號、80多個「嬲」。薯片叔叔公布政綱後見傳媒，被問到過往工作少涉及政治及北京聯繫時，佢就拎connect呢個字幽默一下。「好多人以為做財金，唔使講政治；好多人以為做財金，唔使跟北京deal，咁我哋好多乜connect物connect，嗰啲係咩嘢嚟？我係講緊嗰啲（財金），唔係你講個啲呀！」
曾俊華舉例話，傾人民幣政策、英國退出歐盟嘅應變備案，都要事前跟北京商討，背後做好多聯繫工作，話佢做事嘅方式未必畀大眾睇到。佢並反駁有人話佢「hea」，「（被指）做財金無政治經驗，可能係我做事手法，令人以為我唔使點做，但其實唔正確㗎！」
余永賢宣布參選
另外，噚日有多一個人宣布參選特首，就係現年70歲嘅香港科技協進會前副會長余永賢，佢開記者會話有信心爭取足夠選委支持入閘。
林太話，「希望與網友和廣大市民CONNECT，高清直接聆聽大家意見，讓我們與香港一起同行」，佢又話「同行WE CONNECT」嘅另一重意義，就係希望與大家加強聯繫，讓市民對佢多一啲了解，多一啲信任。
曾俊華：做財金要跟北京商討
至於另一邊廂嘅曾俊華，噚日下午fb live記者會，就有7000多個「like」、1400多個「心」、逾百「哈哈笑」符號、80多個「嬲」。薯片叔叔公布政綱後見傳媒，被問到過往工作少涉及政治及北京聯繫時，佢就拎connect呢個字幽默一下。「好多人以為做財金，唔使講政治；好多人以為做財金，唔使跟北京deal，咁我哋好多乜connect物connect，嗰啲係咩嘢嚟？我係講緊嗰啲（財金），唔係你講個啲呀！」
曾俊華舉例話，傾人民幣政策、英國退出歐盟嘅應變備案，都要事前跟北京商討，背後做好多聯繫工作，話佢做事嘅方式未必畀大眾睇到。佢並反駁有人話佢「hea」，「（被指）做財金無政治經驗，可能係我做事手法，令人以為我唔使點做，但其實唔正確㗎！」
余永賢宣布參選
另外，噚日有多一個人宣布參選特首，就係現年70歲嘅香港科技協進會前副會長余永賢，佢開記者會話有信心爭取足夠選委支持入閘。
留言 (0)
