港鐵生日之星 抽中2月29號壽星

【明報專訊】港鐵噚日抽出2月嘅生日之星，就係4年先可以慶生一次嘅2月29號生日嘅朋友仔喇，得獎者可以喺2月嘅周日，去大部分港鐵站嘅換領站或客務中心領取生日獎，包括一張Happy Birthday全日通、港鐵商場50元現金禮券等。雖然今年2月冇29號，不過生日全日通唔需要生日當天先准用嘅，發票當日起30日內都有效。


如果計機會率，2月29號生日嘅人梗係唔多，有網民就建議，既然呢日咁少人受惠，港鐵應該抽多一日，並且加送優惠畀2月29號生日嘅人嘛，仲話「港鐵咁大間公司無理由豪唔起嘅，睇下『關公』識唔識做啦」。