收風話曾俊華唔選？ 羅健熙被網民鬧「山草藥」

【明報專訊】曾俊華噚日下晝3時半開記者會公布參選特首，但中午12時半左右，民主黨副主席羅健熙口係facebook出post放流料，話「um...突然有口的泛民朋友話，曾俊華今日晏晝宣佈唔選」；但又話「我沒有內幕消息，只係純粹唔明，宣佈唔選的話，叫兩個前常秘一齊去一個新office開記招又開埋個page係咩玩法？」
阿熙好快就知道自己衰口左，佢口既網友都諷刺佢，有人話佢放山草藥（噏得就噏），亦有人問佢﹕「泛民朋友...羅致光嗎？這個百分百奶粉！」阿熙梗係話唔係，由於唔少人對佢個post有反應，所以佢都網上補充話，「我上面段嘢個意思係咁：佢搞埋搞埋咁多嘢仲拉晒大隊去宣佈，唔係話會唔參選嘛？唔參選駛鬼搞咁大壇口野口黎宣佈？你班友咪亂吹啦！」