6000元究竟未攞定未捐？ CY﹕朋友提醒我捐咗

【明報專訊】特首梁振英（CY）前日口係《施政報告》記者會重提2011年政府派錢，話自己口個6000元「仲口係庫房」，但就被翻查到佢當年講過會捐口左筆錢。噚日CY出席電台聯播節目，再被主持人追問口個6000元口既去向，佢就答「噚日都有朋友傳口左text message（短訊）畀我話『你真係捐口左錢喎』」，又強調咁樣係「說明（筆錢）唔應該畀我，唔應該入落我袋」。
CY前日發表任內最後一份施政報告後，被人批評佢無推行全民退休保障。佢口係記者會重提當年派錢，「我口個筆錢到今日都仲未攞，仲口係庫房」，話資源應該分配畀有需要口既人。但翻查當年報道，時任行會召集人嘅CY口係公開活動表明，會將6000蚊捐畀「寸心行動基金」，協助受沙漠化影響嘅內地人。
咁究竟有捐定無捐？CY噚日無正面答到，只係講有朋友提醒佢已經捐咗筆錢。政務司長張建宗噚日同一眾局長出席記者會時，都被記者問及當年點使口個6000蚊，張建宗就話呢個問題涉及私隱，相信在座咁多位司局長都唔會答咁話。