郭偉強福建話報告﹕成功爭取生果金福建攞

【明報專訊】今年《施政報告》其中一項建議，係將「廣東計劃」、即係每月向移居廣東既合資格香港長者發放嘅現金高齡津貼，擴展至福建（即「福建計劃」）。工聯會郭偉強噚日係記者會回應施政報告，就用略為生疏既福建話，向福建鄉親講聲「各位福建朋友，我爭取生果金福建計劃終於成功喇」，唔知身處福建既長者聽唔聽得明呢？
郭偉強話，工聯會係政府實施廣東計劃後，已經馬上提出福建計劃，政府之前一直唔肯落實，到今年終於有成果。
另外，特首梁振英（CY）噚日發表報告時，除咗太太梁唐青儀同一班行會成員喺公眾席旁聽，曾參加立法會選舉、一直「撐CY」既陳玉娥（娥姐）都有捧場。社民連梁國雄係CY入場時，高叫「梁振英，超級大話精」， 娥姐不甘示弱，係公眾席回敬「梁國雄，超級大話精」，最終主席梁君彥除口左叫長毛肅靜，亦提醒公眾席人士唔可以胡亂喧嘩。