林太係咪心水? 陳啟宗﹕再睇吓先

【明報專訊】「香港明天更好基金」口尋日係灣仔君悅酒店舉行傳媒茶敘，簡介新一年動向。曾經表明支持梁振英連任既基金執行委員會主席、恒隆地產董事長陳啟宗（左）一入場就被記者問如何評價CY任內最後一份施政報告，佢就大耍太極，話由朝早8點開會到下午，未得閒睇施政報告。
但講到香港建故宮博物館，佢就滔滔不絕話自己同故宮結緣22年，一向合作愉快。陳啟宗形容故宮來港係一件天大好事，因為故宮從未去過其他地方設館，覺得好有意義。
被問到點睇林鄭月娥推展故宮館引來社會批評，佢就指自己與傳媒同步知悉林太與故宮簽署備忘錄，話林太去年任恒隆數學獎主禮嘉賓時都無透露畀佢聽。至於參選行政長官嘅林太是否啱佢心水，佢就話自己只係1200個選委其中一個，要再睇吓先。右為行政總裁鄧淑德。