阿里推實習生計劃 港大學生可赴杭州總部

【明報專訊】阿里巴巴創業者基金成立咗一年，唔單止使咗7800萬港紙去投資本地嘅初創企業，原來仲有一個「實習生計劃」，畀機會本地大學三、四年級學生去阿里巴巴喺杭州嘅總部實習。最重要嘅係，阿里巴巴已經停止咗校園招聘差唔多3年，講明除咗啲技術職位之外都唔再請畢業生，今次完成實習後破格獲聘成為正式員工嘅10個大學生都算係破格招聘。


10名大學生獲聘為正式員工

去年基金總共收到超過800份本地大學生嘅申請，其中只有40個學生脫穎而出，去杭州進行為期6個月嘅實習，包括可以參與天貓同淘寶嘅營運工作。


除咗有實習生轉為正式員工，另外都有2名學生完咗實習後，獲集團轉介去到利豐集團再實習多半年。基金總幹事周駱美琪就話，基金今年會同多啲唔同集團，包括有份投資嘅初創企業合作搞實習計劃，咁本地大學生可以有多啲機會去唔同地方實習，都不失為一件好事。


[小琴密語]