新聞類別
財經
詳情#
【明報專訊】近排Google嘅圍棋高手AlphaGo重現江湖，化身成為Master擊敗中日韓數十名圍棋高手，令大家對機械人更添關注。小琴知道，有唔少銀行打算乘住呢個熱潮，喺業務上利用人工智能。匯豐銀行就喺今個禮拜推出虛擬助手，雖然暫時只係可以解答簡單問題，但總算創咗香港銀行界嘅先河。
今個星期開始，匯豐工商金融嘅網站，多咗一名叫做Amy嘅新同事返工，佢可以喺網上解答一啲簡單問題，例如戶口種類有邊幾種、開戶口需要帶咩文件等等。不過如果要問關於帳戶內容等等較深入嘅問題，要打番去熱線問番個真人至得。
解答簡單問題
小琴知道有唔少銀行都計劃推出人工智能相關嘅服務，例如另一家英資行都打算透過虛擬助理，減輕熱線員工嘅工作量。中資大行更計劃喺分行放置一部機械人。
或者未來銀行唔同業務或流程都有機械人嘅身影，10年後如果有機械人幫你分析市况買基金，千祈唔好感到驚訝﹗
email: piano@mingpao.com
[小琴密語]
今個星期開始，匯豐工商金融嘅網站，多咗一名叫做Amy嘅新同事返工，佢可以喺網上解答一啲簡單問題，例如戶口種類有邊幾種、開戶口需要帶咩文件等等。不過如果要問關於帳戶內容等等較深入嘅問題，要打番去熱線問番個真人至得。
解答簡單問題
小琴知道有唔少銀行都計劃推出人工智能相關嘅服務，例如另一家英資行都打算透過虛擬助理，減輕熱線員工嘅工作量。中資大行更計劃喺分行放置一部機械人。
或者未來銀行唔同業務或流程都有機械人嘅身影，10年後如果有機械人幫你分析市况買基金，千祈唔好感到驚訝﹗
email: piano@mingpao.com
[小琴密語]
留言 (0)
