年初二煙花 「20」字樣慶回歸

【明報專訊】今年農曆大年初二（1月29日）將一如以往舉行賀歲煙花匯演，今年仲會加入「20」形狀嘅煙花（見模擬圖），慶祝回歸20年。


煙花將於當晚8點喺維港上空綻放，匯演分為8幕，由3艘躉船發放23,888枚煙花，歷時23分鐘，耗資800萬元，由喜運佳．譽一鐘錶贊助。到時市民可以欣賞到唔同嘅環形煙花、首創嘅「20」煙花，以及多款寓意吉祥、歡樂嘅圖案，例如第二幕《歡樂年年》嘅「8」、「金元寶」，第四幕《四喜臨門喜迎春》嘅「吉」等。今年嘅煙花配樂採用不同年代嘅音樂，如《歡樂年年》及Firework等。