阿拉斯加湖邊等兩個鐘 港攝影師「卷蛋極光相」奪獎

【明報專訊】港產業餘女攝影師黃莉娜去年10月喺美國阿拉斯加拍攝一幅貌似綠茶卷狀蛋糕嘅極光照片，贏得西班牙新聞及生活資訊網站Spain Buddy年度最佳旅遊攝影作品獎。佢接受訪問時話慶幸自己堅持，先至捕捉到愈來愈難見到嘅自然景象。


Spain Buddy年度旅遊攝影獎

黃莉娜憶述去年10月嘅阿拉斯加旅程，佢選定喺湖邊等待北極光出現，但當地氣溫非常低，身邊嘅團友一個個咁離去，得番佢自己一個人等待，結果皇天不負有心人，佢等咗兩個鐘，終於遇上旋轉形態嘅北極光，仲即時用魚眼鏡頭拍下，以誇大圓形效果。嗰晚嘅北極光除咗常見嘅綠色，仲夾雜咗白色同紫色，非常罕有。


Spain Buddy去年8月舉行年度最佳旅遊攝影比賽，收集來自世界各地嘅旅遊攝影作品。比賽於12月初截止，3名評審選出18份入圍作品，其中包括黃莉娜嘅大作，之後Spain Buddy將入圍作品上載到facebook畀人投票，結果卷蛋極光獲得最高票數。黃莉娜會獲得500歐元（約4000港元）獎金，佢會將部分獎金捐畀慈善機構，餘額用於日後嘅旅費。