中銀前高層任民記行政總監 黨友唔識

【明報專訊】政黨通常都有大內總管幫手打點黨內大小事務，好似民主黨立法會議員林卓廷，早前就係該黨總幹事；不過作為香港第一大黨嘅民建聯，自從前總幹事陸漢德2014年離任後，呢個位置一直懸空，陸漢德去年更已轉到經民聯做行政總裁，民建聯都仲未搵到合適人選填補空缺，直至最近民記終於搵咗中銀前高層朱毅剛做「行政總監」，統籌民建聯各項工作，佢剛喺元旦日履新。


朱毅剛過去並不活躍於政圈，雖然有報道話佢一直係民建聯成員，但似乎大家都唔太認識。有民建聯領導層級嘅人更同Emily講，對朱毅剛做行政總監呢個消息感到驚訝，直言唔認識對方，仲質疑呢個有財金背景嘅人點會識政黨運作，遑論擔任總監？聽到消息仲以為佢只係幫手做黨內財政工作