港鐵推雞年紀念車票套裝

【明報專訊】港鐵喺雞年將會推出限量版丁酉雞年紀念車票套裝，每套售價80蚊。套裝除咗包括兩張紀念車票外，仲送埋兩對「豐衣『竹』食」筷子。車票上分別印有兩個雄雞圖案，其中一張選自中國國畫大師齊白石嘅《七冠報鳴圖》，另一圖案就由阿根廷平面設計及插畫師Laura Varsky所設計。


14日起發售 限買兩套

除咗紀念車票套裝，港鐵亦有發售一套兩隻以雞年為主題嘅「雞鳴報喜」瓷碗，每套售價70蚊。紀念車票套裝同瓷碗套裝本月14號起喺各港鐵同輕鐵客務中心發售，每人限買最多兩套。