時代廣場粵劇表演 羅家英聲音導賞

【明報專訊】雞年就快到，為慶祝新年，同時宣揚傳統文化，銅鑼灣時代廣場將會同八和會館合作，喺新春前後舉辦粵劇表演同展覽等。


由1月14號起到2月5號，逢禮拜六日，時代廣場會舉行3場粵劇折子戲演出，劇目包括《鳳閣恩仇未了情》同《寶蓮燈》等。


場內亦會展出由粵劇名伶阮兆輝等人借出嘅粵劇戲服、頭飾同道具等，每項展品都設「QR Code聲音導賞」，只要用電話掃描QR Code，就可下載收聽粵劇老倌羅家英嘅聲音導賞，加深對粵劇嘅認識。