探兒童病房 高永文唱聖誕歌

【明報專訊】聖誕臨近，食物及衛生局長高永文（前排右四）噚日去東區醫院視察急症室後，上咗兒童病房探訪住院小朋友，仲唱聖誕歌為病童預祝聖誕。


平時唔多展歌喉嘅高局長，原來過往聖誕都會去其他公立醫院獻唱，今次就應兒童發展配對基金嘅邀請去到東區醫院兒童病房。一眾住院兒童同醫護戴上聖誕帽，由高局長領唱3首為人熟悉嘅聖誕歌，包括Jingle Bells、Silent night同We wish you a Merry Christmas，令小朋友一同感受節日氣氛。