認為造市嚴重 渾水話多啲來港搵食

【明報專訊】沽空機構渾水研究正面「挑機」輝山乳業（6863）後，機構創辦人Carson Block接受彭博訪問時，抨擊香港上市公司大股東持股比例太高，最低公眾持股量只有25%，加上交投量又唔高，認為香港好多上市公司股價都出現造市情况，即使間公司有問題，都好難畀人造淡。


輝山復牌升近2%

睇返輝山呢兩日嘅表現，渾水嘅report又真係好似冇乜料到。渾水上周五發表報告指輝山老細街數多兼公司造假數，股票價值應該接近零，輝山梗係急急腳停牌啦！


不過，噚日公司復牌後，股價冇瀉之餘仲收升1.82%，有分析員話，輝山主席楊凱揸住公司大部分股票，想造淡真係一啲都唔容易！

不過，輝山一役並冇令渾水投降，反而屢敗屨戰。Block話自己係「大淡友」，香港咁多造市行為，第時梗係會多啲嚟搵食啦！唔知邊一間公司會成為狙擊目標呢？


[小琴密語]