李小加教尋夢 最緊要敢想敢做

【明報專訊】星爺周星馳曾經話過：「做人冇夢想，同條鹹魚有咩分別」，估唔到港交所（0388）行政總裁李小加（圖），早就深明此道。話說噚日李小加更新咗自己網誌，寫咗篇《常懷希望與夢想》。


小加喺文章入面大談自己以往嘅一啲辛酸史，例如後生嗰陣做石油工人嘅時候；啱啱喺北京做嘢，3次申請美國留學簽證被拒；同埋啱啱去到美國，身無分文嘅時候。


另外亦都用埋曾經被人質疑「癡心妄想」嘅「互聯互通」，同埋「癡人說夢」嘅「發展香港大宗商品市場」做例子，話一個已經實現，一個都相距不遠。


講咁多，原來小加係想藉此話比人聽，就算面對挫折、身處逆境嗰陣，都唔好絕望，仲話敢想就要敢做，敢做先有可能實現夢想