證監籲上市公司勿玩語言偽術

【明報專訊】香港嘅上市公司唔知咩原因，近年愈來愈鍾意玩語言偽術，搞到證監會要好似教BB班咁，教上市公司寫盈利預警或預喜嘅通告！證監會噚日就發表咗最新一期《企業規管通訊》，入面就話某啲上市公司嘅公告特別鍾意用百分比數字，容易誤導投資者。


證監會喺新一期通訊入面舉咗啲例子，例如有上市公司嘅通告標題係「預測2016年的中期業績盈利下跌」，內容係「本公司預期，公司股權持有人應佔純利會錄得負數，較去年同期下跌約150%」。盈利跌，即係仲賺緊錢啦！咦咦咦，睇真啲，「下跌約150%」咪即係蝕錢？證監會就建議啲公司，蝕錢就不如大大方方認咗佢，寫番「預測2016年中期業績出現虧損」啦！


蝕錢寫成「純利跌150%」

另外，有啲公司甚至數都唔係好識計，有上市公司寫「集團毛利由截至2015年6月底止年度的1億元增長約250%至截至2016年度的2.5億元」。1億升到2.5億應係升150%或1.5倍，為免要發澄清話計錯數，都係老老實實唔好報大數啦！


[小琴密語]