賀回歸辦海報設計賽 主題「我到20歲時……」

【明報專訊】為慶祝香港特區下年成立20周年，政府新聞處為呢個重要日子舉辦海報設計同短片拍攝比賽，邀請本港中、小學生同市民一齊發揮創意，以作品表達對香港未來願景嘅想像。


短片拍攝比賽以「攜手同行」為題，分別設有中學組同公開組，歡迎中學生同市民參加，公開組不限參加者年齡，參加者可以個人或最多4人組隊參賽。而海報設計比賽嘅主題係「我到20歲時……」，歡迎小學生參與，等佢哋可以試想像自己20歲時嘅境况。政府新聞處發言人話，希望呢個活動可以增加參加者對香港嘅歸屬感，有興趣市民可以去比賽網頁（www.hksar20contests.com）下載報名表格，同埋要喺2017年2月24日前交上作品。