特首去打針

【明報專訊】冬季流感高峰期就嚟到，特首梁振英（前右）噚日聯同幾個問責官員接種季節性流感疫苗，呼籲市民及早準備，應對冬季流感高峰期。


除咗梁振英，署理財政司長陳家強、勞工及福利局長張建宗、政制及內地事務局長譚志源、保安局長黎棟國，同埋創新及科技局長楊偉雄噚日都一齊打咗疫苗。食物及衛生局長高永文（後右）早前已經接種咗疫苗，但噚日都有在場陪住官員。高永文提醒市民，6個月至未滿12歲兒童、傷殘津貼受助人都可以獲免費或資助接種，所有孕婦亦獲資助接種。截至周日（11日）已經有近50萬人透過以上兩項計劃接種咗疫苗。