中大校友掃膳源蝕入肉

【明報專訊】上個星期升到「嘭嘭聲」、最高曾經升到去17.5元嘅越棧母公司膳源（1632），之後就無以為繼，跌到噚日嘅8.2元。不過據港交所（0388）資料顯示，一個叫做林均恆（Jonathan）嘅人，喺膳源升到最高點、再嚟個「大陰燭」、跌返落去10蚊左右嘅上星期四（8日）當日，以每股平均價16.629元，掃咗270.4萬股膳源股份，將佢嘅持股量推到去1001.8萬股，啱啱好5%，即係須要披露嘅水平。


呢次掃貨真係認真肉痛，皆因計番條數，截至噚日嘅股價為止，Jonathan帳面唔見咗差唔多2300萬元。小琴「嗱嗱聲」人肉一下Jonathan，發現佢原來係中大崇基1995年嘅畢業生，主修哲學，仲同金管局總裁陳德霖係校友