澳門夜場股 陸慶進軍大陸

【明報專訊】話說今時今日已賣盤嘅Magnum（2080，家叫奧克斯國際），上市時都講過話要北望神州搞夜場生意，不過，老闆葉茂林（圖）後來都無咗回事，摺完一間又一間，好在呢個中國夢家由澳門夜場股陸慶娛樂（8052）幫手完成，公司噚日宣布，同珠海唯創簽咗協議，一齊喺珠海搞夜場！

伙珠海唯創組合營

正所謂「行動就最實際」，陸慶已經同珠海唯創，以及其他投資者成立咗間合資公司，陸慶同珠海唯創分別有15%同30%股權，公司註冊資本3000萬人仔，都幾大手筆，陸慶就出咗450萬。


講到去蒲，好多人都係諗起蘭桂坊，不過，好多年前蘭桂坊之父盛智文已經將蘭桂坊呢個品牌殺入中國。家陸慶係就係遲咗啲，不過有心唔怕遲，可能好快仲撈得好過LKF！


[小琴密語]