競委會兩高層「家庭理由」明年離職

【明報專訊】《競爭條例》實施近1年，Emily發現競爭事務委員會正招聘行政總裁、行政總監（行動）。競委會證實現任行政總裁韋樂思（Rose Webb）、行政總監（行動）李賢（Timothy Lear）分別喺明年9月及3月約滿，兩人因為家庭理由唔續約，所以喺全球招聘。


睇番競委會網頁，競委會有4個管理層，其中Rose喺2014年4月起擔任競委會高級行政總監，今年3月接任行政總裁，而Timothy就喺2014年3月起出任行政總監（行動）。


競委會亦證實，該會前首席經濟師葉智文（Derek Ritzmann）離職之後，接任人Dennis Beling亦已離職。競委會重整架構後，以「經濟及政策主管」取代「首席經濟師」一職，家仲請緊人。


對於員工離職，競委會話主席胡紅玉同委員將與管理層緊密合作，確保有效運作、順利交接，仲會喺各方面適當加強人手。