中行供股集資 41.7萬兆？

【明報專訊】中國銀行（3988）供股集資規模41.7萬兆元（人民幣．下同），誇成咁？究竟41.7萬兆元有幾多，中國舊年全年嘅GDP都只係有40萬億元，唔通中行向股東伸手集資，規模可以買起成萬個中國咁多？

多花幾萬律師費澄清

非也非也，原來只係手民之誤，中行星期三（17日）發表通告，話今次供股集資嘅規模達到41.7萬兆元，原來只係手多多，係集資417億元後面再加多咗個「億」字，搞到集資規模即刻多個1億倍，亦都係因為呢個「億」字，中行又要洗多幾萬律師費喺星期四（18日）出多一次通告，澄清其實集資規模只係有417億元。