柯清輝：中策只是代客買萬科

【明報專訊】除了恒大（3333）於過去數月積極增持萬科（2202）H股外，由前「恒生大班」柯清輝任主席的中策集團（0235）旗下券商，近期現身萬科股權爭奪戰。柯清輝昨出席思捷（0330）後頗為「勞氣」地表示，「（旗下）股票行只係代客買，啲人就當係中策買，呢個絕對係錯誤……至於個客係邊個？呢啲係私隱，我梗係知，但唔講得你聽，但絕對唔係中策買！」


語調「勞氣」 澄清與中策絕對無關

柯清輝過去亦曾與「大D會」成員合作、並曾持有1億美元恒大永續債券而與恒大建立淵源。至於是次中策是否再次與同為「大D會」成員的恒大主席許家印攜手齊掃萬科H股，柯則表示：「我完全答唔到呢啲問題，因為（掃貨）嗰個客係邊個我都唔話得你聽，係客嘅私隱嚟。」並一再重申：「絕對唔關中策事。」


當被問到如何看待萬科股權爭奪戰一事，他笑言：「呢個問題太複雜，我哋只係broker（經紀），點知啫？」旁邊有股東聞言亦笑稱：「呢個問題你應該問萬科吖嘛。」記者欲再追問，惟兩人隨即轉身乘坐電梯離去。


買家身分「我梗係知 但唔講得」

由柯清輝任主席的中策集團，旗下的中策富匯自上月初起持續增加萬科H股持倉。據中央登記資料顯示，截至本月5日，中策富匯在萬科H股的持倉4770萬股，佔H股比例增至3.62%，按萬科昨收市報21.2元計算，市值達10.1億元。