紙行將結業 存貨裁成A4散貨

【明報專訊】今年10月Emily同事報道過位於黃竹坑長德工業大廈嘅進業紙行即將結業，由於紙行營運多年，囤積咗大批紙張，當時已呼籲各方人馬前來入貨免造成浪費；但有網民日前再到紙行，發現仍有大批高質紙未賣出，指老闆為方便散客買，已經將所有紙裁成A3、A4大小，希望有需要人士留意。


Emily噚日打電話去紙行，一問對方係咪老細時，負責人徐先生仍不失幽默答話「係，我係落難老細」。徐先生家一腳踢，又要睇舖又要接電話，好鬼忙，佢話家剩最多嘅係DRAWING PAPERS（felt texture壓紋），希望有人會嚟買，佢唔想未散貨就關門，故延長租約至1月中。