張曉卿：傳統媒體挑戰 是文化傳承大命題

【明報專訊】世華媒體集團執行主席張曉卿噚日喺馬來西亞《星洲日報》總社，接待中國政協副主席萬鋼為首嘅代表團。佢致辭時話，當傳統媒體面對嚴峻挑戰、危機與存亡時，已經不再係單純報館或紙媒嘅問題，而係一個涉及文化傳承復興，涉及民族、國家話語權與國際廣泛交流和頂層設計嘅大命題。


張曉卿話，科技再進步再發達，都應該留給文化發展空間，科技代表咗人類嘅進步，但如果缺少咗人文嘅輝映與平衡，只求急功近利，只求簡單、方便與快速，「進步恐將失去了應有的內涵、厚重、深度、修養與價值」，並稱「我常常說這麼一句話：經濟、軍事、科技可以讓一個國家強大，但只有文化才可以真正讓一個民族偉大」。