「民主300+」造勢 劍指300席選委

【明報專訊】由民主派選委會候選人組成嘅「民主300+ 」噚日舉行造勢大會，呼籲選委會選民記得喺12月11日投票，希望民主派可以取得300席，而最重要嘅目標係踢走特首梁振英喎。


民主派喺今年選委會中劍指以個人票為主嘅選委界別，有逾350人參選，希望贏得至少300席。噚日逾百名候選人一齊喺金鐘出席造勢大會，重申目標係反對梁振英連任、重啟政改同反對人大8．31框架，以及會捍衛香港核心價值。泛民組織「專業議政」召集人、法律界立法會議員郭榮鏗話，10年前要搵人參選唔容易，但今日有唔少人都願意站出來。


批發及零售界、中醫界，以及體育、演藝、文化及出版界內嘅文化小組，民主派過去甚少有人競逐，今年上述界別中都已有民主派候選人嘅身影。


選委會各界別候選人名單可瀏覽網頁（ bit.ly/2fp3yYk）。