港燈節能基金 資助上限倍增

【明報專訊】兩電噚日公布新節能措施，其中港燈協助住宅大廈改善樓宇能源效益嘅基金 ，計劃明年開始提高資助上限，由20萬元增加一倍到40萬元，有充足理據仲可以加到50萬元；中電就宣布延長轄下45個電動車充電站免費充電服務到2017年底。


港燈「智『惜』用電基金」 旨在鼓勵同協助住宅大廈提升能源效益工程，用50/50等額方式資助，由2014年推出到家批出咗28個項目，資助總額超過460萬元。


獲批項目包括喺公共空間更換T5光管同LED照明設施、改用一級能源標籤冷氣機，同埋更換較節能升降機牽引機等。港燈話，新資助上限適用於2017年元旦日後嘅申請。


中電方面，會繼續拓展快速充電網絡，未來會喺多個地區加裝13個多制式快速充電器，預計今年底到2018年之間陸續落成使用。家中電喺九龍、新界同大嶼山各區有45個充電站，總共145個充電點。所有標準充電器已經獨到政府批准，提升到中速程度，可以提供更快嘅電動車充電服務。