譚文豪網上直播變「橫播」

【明報專訊】公民黨譚文豪噚日喺立法會見傳媒，講民航處空管系統問題，佢想搞網上直播，但立法會近期唔准議員助理喺會議期間入會議廳樓層，佢就諗計仔，噚日出動腳架同手機自拍直播，但Emily就留意到，佢將個手機打橫放，而唔係一般咁打直拍攝，結果facebook就出現咗打橫嘅直播畫面，搞到飛機師好似瞓喺度講嘢！飛機師事後都自嘲，喺facebook加hashtag話「#唔好意思 #頭都側 #助理入唔到一樓咪兜無法即時解決」。