彭定康﹕回到香港真好

【明報專訊】末代港督彭定康（右）同夫人彭林穎彤再嚟到香港，應邀出席今日、聽日、下星期一嘅講座同分享會。佢喺機場接受傳媒訪問就話﹕「It's really nice to be back in Hong Kong.（回到香港真好）」


彭定康今次來港，行程之一係應公民實踐培育基金邀請，聽日出席以「香港管治：禮崩樂壞？」為主題嘅論壇，但嘉賓之一嘅立法會前主席曾鈺成之前就話，因有人告御狀，為免令「正義朋友們」痛心，所以甩底唔參加論壇。彭定康噚日話，今次論壇係好好嘅機會畀大家理性交流意見。


作為主辦單位負責人之一嘅陳方安生（左），噚日就去到機場接機。