幫港出聲月底訪京見張德江

【明報專訊】由前傳媒人周融，學者鄭赤琰、雷鼎鳴等人喺2013年成立嘅「幫港出聲」，喺佔領期間多次發表意見，又舉辦集會、簽名等，以示市民反對佔中、支持政改方案等，今個月底佢哋一行約20人搞訪京團，仲會獲得全國人大委員長張德江接見。


「幫港出聲」本月29號訪京，據了解張德江暫定喺30號下午接見呢個訪京團，訪問團12月1日上午就會同港澳辦主任王光亞會面。今次係人大常委會就宣誓風波釋法後，首次有領導人接見本港訪京團，據了解傳媒有機會到場拍攝會面頭幾分鐘，唔知領導人係咪有重要信息同港人表達？


今次訪京團，除咗有周融帶隊，據知自由黨馮家彬、全國政協委員王國強、大律師馬恩國、旅行社東主協會會長葉慶寧等人都會參與，但喺幫港出聲都好活躍嘅程介南，據講就因為事忙而唔會一齊上京喇。周融回覆本報查詢時無評論，「我哋無嘢講，無嘢發表」。