新聞類別
財經
詳情#
【明報專訊】最近因為一篇報道而聲名大噪嘅獵豹移動，相信香港人對於佢哋旗下嘅CM Security並唔會陌生，但今日小琴想講嘅係佢哋另一個叫WhatsCall嘅App。事關有咗呢個App，大家就可以免費打長途電話，就算對方無下載WhatsCall、而且無網絡嘅時候都可以接聽電話，係咪好吸引？不過，備受外界關注嘅CM Security係台灣開發，而且唔會索取用戶嘅通訊錄資料；但WhatsCall就係喺中國開發，用戶安裝時就要同意畀佢使用自己手機通訊錄內嘅資料，大家要留意。
雖然用WhatsCall打去其他國家或地區唔使畀錢，但就要扣積分，啲積分暫時無得買，用戶要通過每日登入WhatsCall、睇廣告、玩唔同嘅小遊戲等方法去拎。至於扣幾多分就視乎你由邊度打去邊度，譬如喺香港打去美國，每分鐘就扣120分，但打去尼泊爾就要每分鐘1050分，連「避稅天堂」英屬處女群島同開曼群島都可以打過去！老老實實，其實啲小遊戲都幾難拎分，小琴暫時有嘅分數都唔夠同尼泊爾嘅朋友傾2分鐘電話。
[小琴密語]
雖然用WhatsCall打去其他國家或地區唔使畀錢，但就要扣積分，啲積分暫時無得買，用戶要通過每日登入WhatsCall、睇廣告、玩唔同嘅小遊戲等方法去拎。至於扣幾多分就視乎你由邊度打去邊度，譬如喺香港打去美國，每分鐘就扣120分，但打去尼泊爾就要每分鐘1050分，連「避稅天堂」英屬處女群島同開曼群島都可以打過去！老老實實，其實啲小遊戲都幾難拎分，小琴暫時有嘅分數都唔夠同尼泊爾嘅朋友傾2分鐘電話。
[小琴密語]
留言 (0)
