「潛水」多時 梁天琦下月出席研討會

【明報專訊】曾力撐青年新政梁頌恆嘅本土民主前線發言人梁天琦，自宣誓風波以來一直「潛水」。香港大學附屬學院學生會下月5日將舉行研討會，屆時梁天琦會任演講嘉賓，討論「青年與社政——從青年事務發展看香港政治現局」，相信到時佢會被追訪對梁游事件嘅睇法。


梁天琦喺今年立法會選舉中被取消參選資格，改由梁頌恆頂上參選，更贏得議席。不過，梁頌恆上任議員一個多月，就因為宣誓風波被取消議員資格。昔日戰友梁天琦就一直無現身回應，據知佢目前身在外國讀書。


梁天琦「潛水」多時，曾被「國師」陳雲嘲諷，話要掟西瓜落海搵番佢。噚日當港大附屬學院學生會宣布梁天琦將出席研討會時，唔少網民大讚陳雲厲害，話「陳雲成功爭取掟西瓜招天琦返嚟」。也有網民話，梁天琦一直都無回應宣誓風波，已經令唔少人失望。