新聞類別
財經
詳情#
【明報專訊】停咗牌一年幾嘅佳兆業（1638）近排有翻生迹象，大股東之一嘅郭俊偉噚日以富昌金融主席身分出席飯局，雖然無咩點提佳兆業嘅事，但就首次帶埋孻仔Danny同記者見面。聽副總經理Michael講，Danny份人好沉穩好勤力，每日啲同事6點幾收工時，Danny都未走。不過，唔知係咪因為少見傳媒，全程Danny都無咩幾句，反而郭生就好精力充沛，仲同小琴分享佢嘅減肥經同埋家庭經，係一位非常平易近人嘅長輩。
暢談減肥經 無提佳兆業
郭生話，大仔家去咗英國讀碩士，而大女就做緊嘢，細女嫁咗人之後做全職主婦。佢仲講笑話，潮州人重男輕女，啲女嫁出去就同自己無關係，唔可以分身家，叫大家唔好投胎喺潮州家庭喎，但就叫記者要好好孝順父母。佢仲話，自己為咗減肥，好似牛咁每餐食成斤白烚菜心，終於減到去60幾公斤，家都會特別注意飲食。
[小琴密語]
暢談減肥經 無提佳兆業
郭生話，大仔家去咗英國讀碩士，而大女就做緊嘢，細女嫁咗人之後做全職主婦。佢仲講笑話，潮州人重男輕女，啲女嫁出去就同自己無關係，唔可以分身家，叫大家唔好投胎喺潮州家庭喎，但就叫記者要好好孝順父母。佢仲話，自己為咗減肥，好似牛咁每餐食成斤白烚菜心，終於減到去60幾公斤，家都會特別注意飲食。
[小琴密語]
留言 (0)
