漁護署放生10隻綠海龜

【明報專訊】綠海龜係全球瀕危物種，本港所有海龜品種都受法例保護。漁護署噚日就喺香港南面水域放生咗10隻綠海龜，佢哋重約9.6公斤至23公斤，背甲長約45厘米至61厘米，經海洋公園獸醫評估後，全部健康良好，適合返大海生活。


佢哋回歸大海前，漁護署先幫佢哋植入晶片同扣上合金標誌，方便識別身分，又喺背甲裝上衛星追蹤儀，可以追蹤佢哋嘅動向同搵嘢食位置，咁樣署方就可以制訂適當嘅海龜保育措施。


已植晶片 裝衛星追蹤儀

據Emily所知，噚日放生嘅呢批綠海龜來自南丫島索罟灣魚類養殖區一個魚排，署方9月30號喺嗰度檢獲35隻綠海龜同1隻玳瑁，佢哋經過海洋公園獸醫詳細評估並接受護理，今次呢批海龜更係海洋公園協助署方護理以來數目最多嘅一次。