中原後勤 加薪5%過肥年

【明報專訊】常言道急景殘年，唔經唔覺2010年又到咗接近盡頭嘅時候，作為打工仔，喺年尾嘅時候，當然係想有人工加啦！小琴自己當然亦不例外。講番今年嘅樓市，成交暢旺、樓價屢創新高係人盡皆知嘅事，地產代理自然「肥仔」，由「老施」（中原集團主席施永青）做總舵主嘅中原地產，噚日就公布，2011年全線後勤工作人員將獲平均加薪5％；仲有，中原早前已宣布派發，等同1.88個月的月薪做特別花紅（相關花紅會喺今天發放）。

今天再發1.88個月花紅

此外，同系利嘉閣亦公布，所有後勤工作人員同樣將獲平均加薪5％，以表揚後勤部門對前線代理的支援貢獻。「老施」喺集團錄得盈利嘅情况下，向員工發放特別花紅和加薪，證明佢的確係一位好老闆，而員工可以「過肥年」，工作士氣自然會大振，到頭來又可帶動公司嘅業績表現，創造雙贏。