「鐵甲奇俠飛行之旅」1月開幕

【明報專訊】香港迪士尼樂園首個以Marvel做主題嘅遊樂設施「鐵甲奇俠飛行之旅」（Iron Man Experience），訂於下年1月11日開幕，獲邀遊客最快於下月23日率先試玩。噚日園方舉行啟動禮，仲請咗藝人郭富城到場歡迎鐵甲奇俠來港。


迪士尼話，飛行之旅設於「史達科技展（Stark Expo）」入面，內設多個展廳及「鐵甲號」飛行車，而「史達科技旗艦店」出售逾70款香港獨有紀念品。只要登上「鐵甲號」飛行車，戴埋智能眼鏡，玩家就會透過飛行模擬器，置身Iron Man嘅正邪對決之中。由於故事以香港做背景，玩家會飛越青馬大橋、維港等景點，仲會見到平日熟悉嘅道路同交通工具