持特區護照到馬達加斯加 落地簽證留90日

【明報專訊】香港人習慣一有假期就出遊，去嘅地方愈嚟愈多選擇。入境處噚日就宣布，持特區護照嘅話，又多一個國家給予免簽證或落地簽證待遇，就係非洲島國馬達加斯加。


特區政府最近收到馬達加斯加共和國駐北京大使館嘅正式通知，特區護照持有人抵達馬達加斯加時，可以攞逗留唔超過90日嘅落地旅遊簽證。計埋馬達加斯加，已經有157個國家或地區向特區護照持有人提供免簽證或落地簽證待遇。不過Emily提提大家，出發前最好先向馬達加斯加駐北京大使館問清楚詳情。


Emily又聽講，酒店網站Hotels.com早排用流動裝置訪問咗300個香港用戶，有31%嘅受訪者透過網絡預訂即日酒店，有20%嘅受訪者習慣夜晚10點後預訂即日酒店，原來「即興」未必係年輕人嘅專利。