新聞類別
副刊
詳情#
【明報專訊】「功課人人有，我份特別深。」呢個話題夠晒爆炸性！近年，只要家長發現仔女帶咗份程度「唔太正常」嘅功課返屋企，就自自然然會放上網畀大家一齊討論，好快就成為城中熱話。
啱啱上星期，Mama又喺網上發現兩份「唔正常」功課。第一份來自幼稚園K3嘅英文興趣班筆記，要填寫人體不同部位關節嘅英文名稱；另一份小五英文科功課，學生要根據提示，寫返一個英文生字出來；但就規定一定係形容詞或名詞等，仲畀埋開首字母你，即係連搵一個近似答案都唔得，一定要估到嗰個字係咩先正確。真係辛苦晒啲家長，幫阿仔查字典都搵唔到，最後交唔到功課，喊得一句句。
其實唔少家長都擁有高學歷，Mama唔少friend都係大學甚至碩士畢業，但講到教仔女做功課，佢哋竟然都話試過唔識做。點解會咁㗎？Mama忍唔住問下曾當校長、現任大學客席講師既歐偉民博士（Dannis），睇下佢有冇遇過呢啲情形。Dannis話冇喎，但並唔係因為佢特別叻，而係佢仔女所讀學校並冇呢啲咁艱難嘅功課；但係佢就話近年普遍幼稚園同小學功課都愈來愈深，相信以上例子唔係單一事件。
Dannis仲話，小朋友學習係需要空間、時間沉澱，甚至要畀佢哋加入自己思維去延展學習。但係上述一類功課，根本就冇呢啲功能。「如果一味追求深奧，小朋友根本學唔到嘢，呢類功課只會令佢哋好有挫敗感。如果家長係冇乜時間留意小朋友功課的話，見到佢哋唔識做時，甚至可能會企埋喺老師陣線，罵仔女冇留心聽書。咁樣只會更加減低小朋友嘅學習動機。」
佢認為家長遇到艱深功課，唔應該幫仔女搞掂，而係試下畀小朋友自己去搵答案，搵唔到，就寧願唔識留空。「我曾經喺學校工作，我會覺得，如果學生全部做啱，或者係由家長幫佢哋解決咗，就帶唔出一個信息畀學校同老師，無法令佢哋明白其實份功課係設計得深咗，或者超越咗學生能力，要做一啲調整。」佢又鼓勵家長向學校反映，但唔建議只由一兩個家長出聲。「好多家長都有通訊群組，大家如果有同感，不如一齊去反映畀老師知，坦白講出憂慮而唔係質疑，相信老師都會明白嘅。」
啱啱上星期，Mama又喺網上發現兩份「唔正常」功課。第一份來自幼稚園K3嘅英文興趣班筆記，要填寫人體不同部位關節嘅英文名稱；另一份小五英文科功課，學生要根據提示，寫返一個英文生字出來；但就規定一定係形容詞或名詞等，仲畀埋開首字母你，即係連搵一個近似答案都唔得，一定要估到嗰個字係咩先正確。真係辛苦晒啲家長，幫阿仔查字典都搵唔到，最後交唔到功課，喊得一句句。
其實唔少家長都擁有高學歷，Mama唔少friend都係大學甚至碩士畢業，但講到教仔女做功課，佢哋竟然都話試過唔識做。點解會咁㗎？Mama忍唔住問下曾當校長、現任大學客席講師既歐偉民博士（Dannis），睇下佢有冇遇過呢啲情形。Dannis話冇喎，但並唔係因為佢特別叻，而係佢仔女所讀學校並冇呢啲咁艱難嘅功課；但係佢就話近年普遍幼稚園同小學功課都愈來愈深，相信以上例子唔係單一事件。
Dannis仲話，小朋友學習係需要空間、時間沉澱，甚至要畀佢哋加入自己思維去延展學習。但係上述一類功課，根本就冇呢啲功能。「如果一味追求深奧，小朋友根本學唔到嘢，呢類功課只會令佢哋好有挫敗感。如果家長係冇乜時間留意小朋友功課的話，見到佢哋唔識做時，甚至可能會企埋喺老師陣線，罵仔女冇留心聽書。咁樣只會更加減低小朋友嘅學習動機。」
佢認為家長遇到艱深功課，唔應該幫仔女搞掂，而係試下畀小朋友自己去搵答案，搵唔到，就寧願唔識留空。「我曾經喺學校工作，我會覺得，如果學生全部做啱，或者係由家長幫佢哋解決咗，就帶唔出一個信息畀學校同老師，無法令佢哋明白其實份功課係設計得深咗，或者超越咗學生能力，要做一啲調整。」佢又鼓勵家長向學校反映，但唔建議只由一兩個家長出聲。「好多家長都有通訊群組，大家如果有同感，不如一齊去反映畀老師知，坦白講出憂慮而唔係質疑，相信老師都會明白嘅。」
回應 (0)
