新舊平機主席現身同志活動

【明報專訊】一年一度嘅同志活動「一點粉紅2016」噚日喺西九苗圃公園舉行，今年去到第三屆，主題係「愛必勝」，平機會前主席周一嶽（前排右五）同現任主席陳章明（前排右三）均有出席。陳章明仲上台表達對同性婚姻嘅睇法，話外界曾擔心佢會唔會參加同志活動，事實證明佢唔止參加噚日嘅活動，日後都會繼續周一嶽嘅做法，開拓美好嘅大愛道路。去年活動喺添馬公園舉行，由於參加者達1.5萬人，大會估計今年可能有更多人，故移師西九，新上任嘅美國駐港澳總領事唐偉康都有出席。