猜猜誰是曾主席？

【明報專訊】行將卸任立法會主席嘅曾鈺成無官一身輕，去咗加拿大外遊，與60年前聖保羅書院嘅同班同學喺多倫多敘舊，佢除咗喺facebook上貼出大家見面嘅新相，仲上載咗一張當年成班男生嘅團體照，係一張好有紀念價值嘅黑白相片。曾主席仲考大家眼力，問大家搵唔搵到舊相中邊個係佢喎，Emily認真研究過，真係估唔到，而佢啲朋友就唔同人有唔同答案，睇嚟要等曾主席自己開估先得喇。