大成生化亂擔保 港交所大聲鬧輕力罰

【明報專訊】上市委員會負責審理上市違規問題，不過處罰合唔合理就真係無人講得埋，好似港交所（0388）噚日公布，大成生化（0809）在2010至2014年未經股東批准下，替子公司提供金額最高30億元人民幣的擔保，上市委員會指事件「極為嚴重」，但都只係譴責及批評相關的公司董事了事。


噚日港交所發表布新聞稿，力數大成生化兩宗罪，上市委員會譴責公司未有喺2010年至2014年披露為子公司擔保、同時未有就擔保刊發公告、發出通函及尋求獨立股東批准，最後委員會決定以「嚴厲批評」大成生化、同時譴責前執行董事王桂鳳及張福勝，以及批評同為前執行董的劉小明及徐子弋作為制裁喎！上市委員會又話「違規情况嚴重」，但最後都只係「譴責批評」，小琴覺得無咩阻嚇力囉！

[小琴密語]