新聞類別
財經
詳情#
【明報專訊】朋友有欠債人住在廣州，他有齊所有法律文件，近日打算派人上廣州追債，如果欠債人不還債，就叫人貼街招，問我有沒有可靠的追數公司替佢做嘢，仲話收到數之後，重重有賞。我同佢講，千祈唔好這樣做，分分鐘惹禍上身，不但收唔到數，仲可能要畀一大筆賠償，派去收數的人如果畀公安捉住還好，否則，隨時連命都冇，收數公司損失一條人命，條數都唔知點計，廣州欠債，當壞帳撇咗就算數。
追唔到債 隨時惹禍上身
朋友不服氣話，近日香港有很多貼街招追債事件，大多數涉及香港人內地欠債，點解內地人在香港貼街招追債就可以，香港人到內地追債就不能，即使那些欠債是真實的，香港容許內地人跨境執法，這是近日的熱門話題，是否涉及政治才不可以跨境執法，涉及財務糾紛就閣下自理？
我同佢講，千祈唔好勞氣，這是香港人自己攞嚟，不少非法追數公司主動到內地搵一些與香港人生意有糾紛的內地人，只要求一份授權書，便會返香港進行追數行動，根本不會查證那些欠債是否真實。當然，他們追數的費用是相當高，而且，他們還大義凜然，開口埋口就叫在香港的人做老千，除了到他們的公司及住所搗亂之外，還亂貼街招抹黑香港人，最近有一個個案連CY都抹黑。
無憑無據代收數 同恐嚇勒索沒分別
追債的人知道，香港警方認為這是金錢糾紛，是不會採取行動，久而久之，在香港的人唯有私下解決，賠錢解決有，用武力解決亦有，在內地的人見到香港人打香港人，笑到見牙唔見眼。在內地，這樣的事絕對不會發生，追數公司收到錢那些內地人固然有得分，收唔到錢，甚至追數的人惹上官非，就與他們無關，唔通那些追數人夠膽回內地追數？其實，香港的追數人相當蠢，無憑無據替人追數，同恐嚇勒索沒有分別，不如自己做，毋須分錢畀內地人。
紀惠集團行政總裁
[湯文亮 敢說亮話]
追唔到債 隨時惹禍上身
朋友不服氣話，近日香港有很多貼街招追債事件，大多數涉及香港人內地欠債，點解內地人在香港貼街招追債就可以，香港人到內地追債就不能，即使那些欠債是真實的，香港容許內地人跨境執法，這是近日的熱門話題，是否涉及政治才不可以跨境執法，涉及財務糾紛就閣下自理？
我同佢講，千祈唔好勞氣，這是香港人自己攞嚟，不少非法追數公司主動到內地搵一些與香港人生意有糾紛的內地人，只要求一份授權書，便會返香港進行追數行動，根本不會查證那些欠債是否真實。當然，他們追數的費用是相當高，而且，他們還大義凜然，開口埋口就叫在香港的人做老千，除了到他們的公司及住所搗亂之外，還亂貼街招抹黑香港人，最近有一個個案連CY都抹黑。
無憑無據代收數 同恐嚇勒索沒分別
追債的人知道，香港警方認為這是金錢糾紛，是不會採取行動，久而久之，在香港的人唯有私下解決，賠錢解決有，用武力解決亦有，在內地的人見到香港人打香港人，笑到見牙唔見眼。在內地，這樣的事絕對不會發生，追數公司收到錢那些內地人固然有得分，收唔到錢，甚至追數的人惹上官非，就與他們無關，唔通那些追數人夠膽回內地追數？其實，香港的追數人相當蠢，無憑無據替人追數，同恐嚇勒索沒有分別，不如自己做，毋須分錢畀內地人。
紀惠集團行政總裁
[湯文亮 敢說亮話]
回應 (0)
