新聞類別
財經
詳情#
【明報專訊】唔知係咪得到Pokémon GO遊戲的啟發，螞蟻金服旗下嘅支付寶，今次就推出名為「發現」嘅平台，不過，發現嘅唔係精靈，而係話俾用戶知身處地方周圍嘅商家資訊，仲會講埋有咩商家活動同優惠着數。支付寶仲話，如果用戶有興趣，仲可以即刻用平台上嘅「掃碼付」，喺商戶使用優惠同俾埋錢，聽落又真係幾方便喎！
百佳豐澤將支援支付寶
至於目前同支付寶合作嘅商戶超過6000間，包括莎莎、百老匯、星巴克等等；而由今個月起，連屈臣氏集團旗下，包括百佳及豐澤等超過600間舖都會陸續支援支付寶，出年開始就連海洋公園內全部舖頭都支援喎。呢啲都係香港人常去嘅鋪頭，聽落都幾吸引；不過，留意返，以上付款只限人民幣錢包咋！若不想兌人民幣，大家都係乖乖哋等到10月開放埋港元錢包先再算啦。
email: piano@mingpao.com
[小琴密語]
回應 (0)
