復星曾吼Prada友邦

【明報專訊】復星國際（0656）近年動作多多，提出咗多項海外收購，投資涉及範圍廣闊，但原來復星睇嘅唔單止係保險，董事長郭廣昌昨日接受央視訪問時就話，集團都曾有意投資意大利著名時尚品牌Prada（1913）、法國運動時裝品牌Moncler及友邦保險（1299），只係最終有各種原因而未有做成交易咋。


郭廣昌：以「全球角度」投資

郭廣昌又話，集團同友邦傾咗好耐，並形容對方是非常好的保險企業，但係由於當時因復星的資本結構未夠充分，加上時機問題及面對如此大的收購，集團自身未作好國際化的準備，最終都令交易唔成，而友邦亦選擇直接上市就算。嘩！原來已經係講緊友邦上市前的事！不過，他補充，復星的投資方向，主要係以全球角度，堅持以「保險加投資」，並以「中國動力嫁接全球資源」為主喎，唔知係乜？即係對於中國嗰個行業未夠叻嘅，就出去海外買、出去投資。


[小琴密語]