新聞類別
財經
詳情#
【明報專訊】健康真係無價寶，好似「不開會的CEO」莊偉忠（圖）咁，加入康宏金融無幾耐就因病要抖抖，公司噚日發出內部通知，話因為心臟病發要停工超過1個月。小琴聽講，莊偉忠今次病得唔輕，而家說話都有困難，可以話係「有口難言」。
心臟病發 說話有困難
莊偉忠噚日向全體員工發出內部通知，透露自己早前患有突發心臟病，因而停工超過1個月。佢仲特登喺個人facebook報平安，稱：「中秋節快樂……大家唔使驚，我大步檻過，從鬼門關走番上陽間，令大人（即係莊夫人）擔心，我驚驚。」
小琴聽聞，莊偉忠係喺8月25日左右病發，當時佢發現自己說話有困難，要入院接受治療，同時暫停一切工作。當時佢發現身體出現問題，情緒都有小小影響，皆因佢自覺平日都生活習慣好健康。不過好彩，佢而家精神同思路都好清晰，雖則工作要交給其他同事，同埋同家人溝通只能夠靠用筆寫字。經過治療後，而家康復進度算唔錯。
email: piano@mingpao.com
[小琴密語]
回應 (0)
