新聞類別
副刊
詳情#
【明報專訊】香港人對匯豐真係有好大嘅情意結，最主要係「大笨象」扎根香港已經150年，同香港走過咁多個年頭，當中的點滴真係唔講得笑。
匯豐亦都深明歷史有幾重要，所以早喺舊年4月匯豐就喺大角嘴匯豐中心建立咗亞洲第一個歷史檔案部，實行將過往多年嘅歷史點滴，包括相片、信件、紙幣等，超過200件實體展品，統統收納在檔案部入面，由於家匯豐的環球歷史檔案部，除咗坐落香港、還有倫敦、紐約及巴黎，展館中部分展品亦會利用電子方式收藏及展示，這些展品亦超過250件。
展覽館可預約參觀
之不過呢個檔案部至今仍未對外開放，因為入面展覽館面積約2000平方呎，可以預約形式開放予公眾作學術研究用途。不過小琴噚日有幸親身入內參觀，除咗見到好多件深具歷史價值的展品外，匯豐香港區行政總裁施穎茵仲講咗個秘密畀大家知，原來佢媽媽亦係匯豐嘅舊伙記，仲喺1935年落成嘅匯豐中環舊總行做過，所以佢細細個都曾經跟媽咪去過㗎。
email: piano@mingpao.com
[小琴密語]
回應 (0)
