奧數港隊首入前十 唯一女將﹕愛琴棋更愛解數

【明報專訊】香港中學生喺國際數學奧林匹克大賽向來成績唔錯，喺今年7月香港主場舉辦嘅比賽中，港隊勇奪三金兩銀一銅，首次躋身十強，喺109支隊伍中排名第9，為歷來最佳成績。港隊派出嘅6名選手中，就讀浸信會呂明才中學嘅郭敏怡係港隊唯一女將。


奧數比賽通常會見到一班男生埋首計數，呢項活動幾乎成為男生專利，郭敏怡接受政府新聞網訪問就話，各地均派6人出賽，女隊員比例唔到十分之一。「開始時我覺得自己有點不同，但也不會太在意。」


郭敏怡其實都鍾意捉棋同彈琴，但最愛始終係數學解難。獲選入訓練隊伍，佢認識到好多志同道合嘅朋友。「在學校裏，同學往往不明白我怎會如此酷愛數學。參加訓練後，發現原來很多人跟自己志趣一樣，也見識到全港數學好手。」對於未來路向，郭敏怡話「我上大學想讀數學，將來想當數學老師，或從事研究」。