朱凱廸競選傳單 拍賣開價$68

【明報專訊】立法會選舉告一段落，以往有好多市民關注用完嘅選舉用品何去何從，Emily今日收到報料，話交易平台eBay出現朱凱廸嘅競選單張，仲要有3款任君選擇。唔知係唔係因為朱凱廸成為「票王」嘅關係，連傳單都變得特別珍貴，每張仲索價68元。


呢3張朱凱廸傳單全部都寫明係二手貨品，當中一張係英文單張，全部都由同一名賣家放售，仲標籤做收藏品。物主「好有心機」，喺貨品名都寫明朱凱廸係「票王」用嚟吸引眼球，貨品簡介又貼上朱凱廸當選嘅新聞。下個星期二就會截標，Emily噚日下午望過，當時全部傳單都未有人bid。